Tórt oblysta boran soǵýy múmkin: QazAvtoJol júrgizýshilerge eskertý jasady

ASTANA. KAZINFORM – «QazAvtoJol» mekemesi elimizdiń 4 óńirinde qalyń qar túsip, boran soǵý múmkindigine baılanysty júrgizýshilerge eskertý jasady.

-2026 jylǵy 13 aqpanda Almaty, Jambyl, Jetisý jáne Túrkistan oblystarynyń keı jerlerinde qar jaýyp, boran soǵýy múmkin. Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz,-delingen habarlamada.

Osyǵan deıin «QazAvtoJol» eldegi joldardyń jaǵdaıy týraly málimet bergen edi.