Tórt oblysta aýa temperatýrasy 30-dan joǵary – Qazgıdromet

ASTANA. KAZINFORM - «Qazgıdromet» RMK-sy qyrkúeýektiń 1-i kúngi kún raıy boljamyn jarııalady. 

Batys antıtsıklony saldarynan Qazaqstannyń batysynda, ońtústiginde, ońtústik-shyǵysynda kún jaýyn-shashynsyz bolady. Elimizdiń qalǵan aýmaǵynda atmosferalyq frontaldy bólikterdiń ótýimen naızaǵaı oınap, jańbyr jaýady, shyǵysynda, QR ortalyǵynda qatty jańbyr, burshaq jaýyp, daýyl turady. Respýblıkanyń soltústiginde, shyǵysynda túngi ýaqytta jańbyrdyń sońǵy qarǵa ulasýy yqtımal. Respýblıka boıynsha jel kúsheip, eldiń ońtústik-batysynda, ońtústiginde shańdy daýyl turady, eldiń soltústiginde túngi jáne tańerteńgi saǵattarda tuman túsedi.

Túnde Shyǵys Qazaqstan oblysynyń shyǵysynda topyraq betinde 2 gradýs úsik júredi.

Kúndiz Atyraý, Batys Qazaqstan oblystarynda 35-37 gradýs, Mańǵystaý oblysynda 38 gradýs, Aqtóbe oblysynyń batysynda 35 gradýs ystyq.

Almaty, Aqtóbe, Ulytaý, Jetisý oblystarynda, Qaraǵandy oblysynyń batysynda, soltústikte, ortalyǵynda, Aqmola oblysynyń batysynda, ońtústiginde, shyǵysynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń soltústiginde, ortalyǵynda, Qostanaı oblysynyń batysynda joǵary órt qaýpi saqtalady.

Túrkistan, Qyzylorda, Mańǵystaý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, Atyraý oblysynyń shyǵysynda, ońtústiginde, Qostanaı, Qaraǵandy, Aqtóbe oblystarynyń ońtústiginde, Jetisý oblysynyń ońtústiginde,shyǵysynda tótenshe órt qaýpi kútiledi.

Osyǵan deıin Shanhaıda aptap ystyq uzaqtyǵy boıynsha júz jyldyq rekord jańarǵany týraly jazdyq.