Tórt myń otandasymyz Mekkede qajylyq paryzyn ótep júr

ASTANA. QazAqparat – Onlaın qurban shalýǵa bola ma? Bul suraqqa bas múftıdiń keńesshisi Kenjetaı Dúısenbaı jaýap berdi, dep habarlaıdy QazAqparat tilshisi.

«Bıyl elimizde qurban shalý rásimi oflaın jáne onlaın formatta ótedi. Dinı basqarma el azamattaryna, ásirese qala turǵyndaryna qolaıly jaǵdaı jasaý maqsatynda qurban shalý rásimin qashyqtan ótkizýge arnalǵan qurban2023.kz saıtyn iske qosty. Barsha musylman qaýymyn múftııattyń «Rabbyń úshin qurban shal» qaıyrymdylyq aktsııasyna úles qosyp, saýapty isterde belsendi bolýǵa shaqyramyz», - dedi Kenjetaı Dúısenbaı ortalyq kommýnıkatsııalar qyzmeti alańynda ótken baspasóz máslıhatynda.

QMDB ókiliniń málimdeýinshe, qurban shalý - musylmannyń paryzy.

«Dál qazir qasıetti Zýl-Hıjja aıynda otyrmyz. Bul aıda musylmandar qurban shalady ári bes paryzdyń biri bolǵan qajylyǵyn óteıdi. Qazaqstan musylmandary dinı basqarmasynyń tóraǵasy, bas múftı Naýryzbaı qajy qazir qasıetti Mekkede. Qajylyq paryzyn ótep júrgen 4 myń otandasymyzdyń nıeti men duǵasy qabyl bolyp, elimizge aman-esen oralýyn tileımiz», - deıdi ol.