«Tórt myqty komanda bas qosty»- respýblıkalyq basylymdarǵa sholý

Keshe Aqordada Qazaqstan Respýb­lı­ka­synyń Prezıdenti Nursultan Nazar­baev Eýropa Keńesi Parlamenttik Assam­bleıa­synyń tóraǵasy Mevlıýt Chavý­sho­glý­men kezdesti. Atalǵan taqyrypty arqaý etken maqala «Egemen Qazaqstan» basylymynyń búgingi sanynda «Eýropa qurylymyna erekshe nazar» degen taqyryppen berilipti. «Kezdesý barysynda EKPA tóraǵasy M.Chavý­shoglý qazaqstandyq saıası jáne ekonomıkalyq reformalarǵa joǵary baǵa berip, Eýropa Keńesi Qazaqstanǵa Eýropadaǵy qaýipsizdik jáne yntymaqtastyq uıymyna tóraǵalyq etýi kezeńinde meılinshe kómek kór­setetinine sendirdi. Sondaı-aq bıylǵy jyly Astanada EQYU sammıtin ótkizý týraly qazaqstandyq bastamany qoldaıty­nyn jetkizdi»,-deıdi basylym.

Osy taqyryptaǵy maqalany «Aıqyn» gazetiniń búgingi sanynan da oqı alasyzdar.

«Qyzylaǵash jedel qalpyna keledi». Osy taqyryppen berilgen «Egemen Qazaqstan» gazetindegi kelesi maqala Premer-Mınıstrdiń eki birdeı qaýlyǵa qol qoıǵanyn, Úkimetten 600 mln. teńge bólinetindigin, ekin­shiden Aqsý aýdanyndaǵy tótenshe jaǵdaılardy joıý maqsatynda ma­te­rıaldyq rezervten qundylyq­tar­dy bosatý týraly máseleniń she­shilgenin jazypty. «Mem­le­ketten bólingen qarjy Qyzylaǵash pen Eginsý eldi mekenderindegi tótenshe jaǵdaı saldaryn joıýǵa baǵyttalady. Sonymen qatar, atal­ǵan qarajattyń maqsatty paıda­lanylýyn baqylaý Qarjy mı­nıstrligine mindettelipti. Sondaı-aq, oblys ákimi men tıisti sala basshylaryna aýa raıynyń kúrt jylynýy men ylǵaldyń mol tú­sýine baılanysty Aqeshki sý qoı­masynda da qaýipti jaǵdaıdyń al­dyn alý sharalaryn muqııat júr­gizýdi mindettep, naýryz aıynyń 17-sine deıin qıraǵan jáne jóndeýdi qajet etetin turǵyn úıler jaıly tolyq málimet jı­naý, memleket tarapynan bólingen áleýmettik járdemaqylardy tasqynnan zardap shekkender túgel alýyn qamtamasyz etý kún tártibine ótkir qoıyldy»,-deıdi basylym.

Sondaı-aq «Egemen Qazaqstan» gazetiniń búgingi sanynda «Aısha bıbi - shoń qaqpadaǵy» aıqaı» atty maqala jaryq kóripti. Maqala «qazaq-qyrǵyz halyqaralyq bazaryn salýǵa ne kedergi?» degen saýalǵa jaýap izdeıdi. Egjeı-tegjeıin basylymnyń búgingi sanynan oqyńyzdar .

***

«Ońtústik Qazaqstan oblysy men Máskeý qalasy arasyndaǵy tıimdi alys-beristi bekitý, atqarylatyn is-sharalardy jolǵa qoıý maqsatynda osydan birneshe kún buryn Shymkent qalasy men Máskeýde ózara yntymaqtastyq jónindegi ekijaqty memorandýmǵa qol qoıylǵan-dy. Osy memorandýmǵa sáıkes jaqynda Máskeý qalasynyń ortalyǵyna Ońtústik Qazaqstannan tasyp jetkizilgen baý-baqsha jáne aýyl sharýashylyǵy ónimderin satý úshin 5 gektar jer arnaıy bólinbekshi»,- dep jazdy «Aıqyn» basylymynyń búgingi sany. Qýanyshty habardyń tolyǵyn gazettegi «Máskeýdegi 5 gektar jerde «Qazaqstan» bar» atty maqaladan oqyńyzdar.

Búgingi tańda elimizde 50-den astam teatr bar. Táýelsizdik alǵannan keıingi jyldary onnan asa qazaq teatry ashyldy. Tańǵalarlyq úlken problemalardyń biri - respýblıka teatrlaryna kásibı rejısserlerdiń jetispeýi. Máskeýde oqyǵan nemese Óner akademııasyn bitirgen biraz rejısserlerimizdiń bos júrgenin eskersek, «rejısser jetispeıdi» degen sóz absýrd qoı. «Aıqyn» basylymynyń búgingi sanynda jaryq kórgen «Qazaq teatry: óse me, óshe me?» attymaqalada «El teatrlarynda nege rejısser joq? Jalpy, qazirgi tańda qazaq teatry ósý ústinde me, óshý ústinde me? Teatrdyń órkendeýine ne kedergi?» degen maǵynadaǵy jurt júregindegi saýaldarǵa Ortalyq Azııa halyqaralyq teatr festıvaliniń laýreaty Tilegen Ahmetov, Máskeýdegi rejısserlik joǵary kýrstyń túlegi Asyl Qudaıbergenov jáne Kenjebaı Dúısembaıuly qatarly rejısserler óz oılaryn ortaǵa salypty.

Astanada bokstan halqaralyq týrnırdiń jalaýy jelbiredi. Oǵan Ázirbaıjan, Ózbekstan, Ýkraına jáne Qazaqstannyń ulttyq quramalary qatysýda. Bul jarystyń ereksheligi - bas júlde úshin talas jekelegen sportshylar emes, komandalar arasynda órbýde. Sharshy alańnyń qyzyǵyn «Aıqyn» gazetindegi «Tórt myqty komanda bas qosty» atty maqaladan oqı alasyzdar.

***

Ótken aptada Memleket basshysy Nursultan Nazarbaev daǵdarystan jiger kórsetip abyroımen shyqqan Úkimetke ishinara ózgerister jasady. Bul sheneýnikterdiń birine jańa jumys usynyp, endi birin qyzmetten shettetý úshin emes, bıylǵy Joldaýda aıtylǵan naqty máseleler men Úkimettiń ındýstrııalyq damý týraly on jyldyq baǵdarlamasyn iske asyrý úshin qolǵa alynǵan bastama. Sony baǵdarlamalar men tıisti qujattar qabyldandy, qurylymdar aıaqtandy. Endi naqty jumys júrgizý ǵana qaldy. Sonymen ótken aptada qurylǵan mınıstrlikterdiń aldaǵy mindeti qandaı bolmaq? Bul týraly tolyǵyraq «Alash aınasy» basylymynyń búgingi sanynda jaryq kórgen «Jańa mınıstrlikterdiń mindetteri qandaı?» degen atpen beriligen maqaladan oqı alasyzdar.

«Ádette, biz TMD-daǵy túıtkilderge úńilgish kelemiz. Kezinde Ostankıno órtenip ketkende bizdiń mamandar Kóktóbedegi telemunaranyń qaýipsizdigin qaıta-qaıta synap, jattyǵýlar ótkizip, ábigerlenip qalǵan. Al Saıan-Shýshensk GES-indegi jarylys bizge anaý aıtqandaı sabaq bola almaıtyn bolyp shyqty. Alysqa uzamaı-aq byltyr ǵana Taldyqorǵanda bolǵan narkodıspanser órtin alaıyqshy. Sol kezde de basshylyqty onyń saldary men sabaǵynan góri, apat kúnin aza kúni retinde jarııalaý-jarııalamaý jaǵy kóbirek tolǵandyrǵan edi...». Osylaı oı terbegen «Alash aınasy» gazetindegi «Plotınalar problemaǵa tolyp tur» taqyrybymen berilgenkelesi maqala biraz túıtkildi máselelerdi ortaǵa salypty. Egjeı-tegjeıin gazettiń búgingi sanynan oqyńyzdar.

«Qarý-jaraqtyń - 50, áskerı tehnıkanyń 70 paıyzy múlde eskirgen»,- deıdi general-maıor, áskerı sarapshy Ámirbek Tógisov «Alash aınasy» gazetine bergen suhbatynda. Elimizdiń sońǵy úlgidegi sapaly qarý-jaraqpen qamtamasyz etilý máselesi jóninde áskerı sarapshymen oı bóliskińiz kelse, gazettiń «Dat» aıdaryna nazar aýdaryńyz.