Tórt qurlyq chempıonatynda búgin qazaqstandyq mánerlep syrǵanaýshylar oıyn kórsetedi
ASTANA. KAZINFORM – Qytaıdyń Shanhaı qalasynda ótip jatqan mánerlep syrǵanaýdan Tórt qurlyq chempıonatynda qazaqstandyq úsh sportshy búgin erkin baǵdarlamada synǵa túsedi.
Ekinshi jarys kúninde juptyq saıys jáne áıelder arasyndaǵy erkin baǵdarlama saıysy ótkiziledi.
Erkin baǵdarlamada qazaqstandyq mánerlep syrǵanaýshylar: Sofıa Farafonova, Nýrııa Súleımen jáne Anna Levkovets óner kórsetedi.
El quramasynan áıelder arasynda qysqa baǵdarlamada óner kórsetken Sofııa Farafonova 18-oryn aldy. Al Nurııa Súleımen 19-shy orynǵa jaıǵassa, Anna Levkovets 24-orynǵa taban tiredi. Nátıjesinde qazaqstandyqtar 24 sportshynyń qataryna enip, endi erkin baǵdarlamada baǵyn synaýǵa múmkindik aldy.
Aıta ketsek, 2019 jyly atalǵan dodada erler arasynda Denıs Ten 2015 jyly chempıon atansa, qazaqstandyq Elızabet Tursynbaeva jeke syrnaǵaýda kúmis júlde aldy.
Dúbirli doda 1999 jyldan beri turaqty túrde ótkizilip keledi.
Qazaqstandyq sportshylardyń qatysýymen ótetin básekeni saǵat 13:50-den bastap Qazsporttv.kz telearnasynyń saıtynan kórsetiledi.
Ádiljan Úmbet.
