Tórt kúnniń ishinde Almatydan 50 myń tekshe metr qar shyǵaryldy
ALMATY. QazAqparat - Tórt kúnniń ishinde Almatydan 54 256 tekshe metr qar shyǵaryldy, dep habarlaıdy QazAqparat qala ákimdiginiń baspasóz qyzmetine silteme jasap.
«Qarashanyń 16-20 aralyǵynda 53 256 tekshe metr qar shyǵaryldy. 16-20 qarasha aralyǵynda 57 sm qar tústi. 20 qarashada densaýlyq saqtaý, bilim jáne kommýnaldyq qyzmet nysandarynan 9151 jumysshy tazalyq jumystaryna jumyldyryldy»,-dep habarlady ákimdik ókilderi.
Osyǵan deıin Almatynyń Tabıǵı resýrstar men tabıǵatty paıdalaný basqarmasynyń basshysy Eldar Keldibaev jaýǵan qardyń ádettegi normadan (15-20 sm) 3 esege asyp túskenin aıtty.
Búgin qardan tazalaý jumystaryna 4500-ge jýyq jumysshy shyqty. Dúısenbi kúni bılik ókilderi joldaǵy qardy tazalap, qalypty jol-kólik qozǵalysyn qamtamasyz etetinin aıtqan edi.
