Tórt kúnnen keıin qazaqstandyq «Orel ı Reshka. Kazahı» shoýy bastalady
ASTANA. KAZINFORM — 16 aqpannan bastap Jibek Joly jáne Silk Way telearnalarynda tanymal televızııalyq jobanyń qazaqsha nusqasy «Orel ı Reshka. Kazahı» jaryqqa shyǵady.
Baǵdarlamanyń 15 shyǵarylymynda kádimgi tıyn kınoprodıýser, aktrısa Quralaı Anarbekova men tanymal bloger Ǵanı Ájikenovtyń taǵdyryn sheshedi.
Júrgizýshiler Qazaqstannyń óńirlerin aralap, elimizdiń biregeı jerleriniń erekshelikteri men sulýlyǵyn kórsetedi, sondaı-aq álemniń tańǵajaıyp qalalaryna jasaǵan saıahatynan alǵan áserin bólisedi.
Quralaı Anarbekova jáne Ǵanı Ájikenovpen birge saıahatqa shyǵyńyz.
Qaısysy demalysyn 100 dollarǵa ótkizetinin, al qaısysy sheksiz qarajat jumsaıtynyn tamashalańyz.
«Orel ı Reshka. Kazahı» saıahat shoýynyń alǵashqy kórsetilimin 16 aqpan kúni saǵat 22:00–de Jibek Joly telearnasynan kórińiz.
Sondaı-aq, baǵdarlamanyń aǵylshyn tilindegi nusqasyn sol kúni 18:00–de Silk Way telearnasynan tamashalaı alasyz.
