Tórt kúnde 7 keliden asa esirtki tárkilendi - Almaty oblysy
TALDYQORǴAN. QazAqparat - Almaty oblysynda tórt kún ishinde esirtkiniń zańsyz aınalymynyń 16 deregin anyqtaldy, dep habarlaıdy QazAqparat tilshisi.
Eskeldi aýdanynyń polıtsııasy arnaıy is-shara barysynda 40 jastaǵy turǵyndy esirtki zatyn saqtady degen kúdikpen ustady. Avtojol boıynda qolǵa túsken kúdiktiniń turatyn úıine sanktsııalanǵan tekserý júrgizý kezinde 1 kılogramnan astam «keptirilgen marıhýana» zaty tabyldy. Kúdiktiniń buǵan deıin qylmystyq jaýapkeshilikke tartylǵany anyqtaldy.
Sondaı-aq, sanktsııaly tekserý kezinde 45 jastaǵy Eńbekshiqazaq aýdanynyń turǵynynyń qorasynan jasyrylǵan 4 kılogramǵa jýyq «marıhýanna» esirtki zaty tabyldy.
Esirtkige qarsy kúres boıynsha 16 qylmys deregi anyqtaldy. Osy derekter boıynsha 16 tulǵany qylmystyq jaýapkershilikke tartý kózdelýde. Sondaı-aq, eki faktiniń iri partııaly qylmys sanatyna jatatynyn atap ótý qajet. Almaty oblysynyń tártip saqshylary 7 kılogramǵa jýyq esirtki tárkilep, olardyń halyq arasyna taralýynyń jolyn kesti. Esirtki zattary ósimdik negizdegi marıhýana, gashısh syndy esirtki zattaryna jatady»,- dep málimdedi Almaty oblysy Polıtsııa departamentiniń baspasóz qyzmeti.
