Tórt kúnde 200-den astam kólik qar qursaýynan shyǵaryldy - mınıstrlik

NUR-SULTAN. QazAqparat - Naýryzdyń 20-24 aralyǵynda 200-den astam kólik qar qursaýynan shyǵaryldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Mınıstrliktiń málimetinshe, merekelik demalys kúnderi elimizdiń basym bóliginde qarly, keı jerlerde jaýyn-shashyn mol kólemde tústi. Kún raıyna baılanysty jolda qalyp qoıǵan kólik júrgizýshilerine birinshi bolyp jol salasynyń qyzmetkerleri kómekke keldi.

«Osylaısha, naýryzdyń 20-sy men 24-i aralyǵynda 200-den astam kólik quraly qar qursaýynan shyǵaryldy. Sonyń 65-i jyly boksterge jaıǵastyryldy. Al 320 adam «Qazaqavtojol» JShS jylytý pýnktterine ornalastyryldy»,-delingen habarlamada.