Tórt kún buryn ShQO-da kúshti jeldiń saldarynan jaryqsyz qalǵan 4760 abonenttiń jartysynan astamy áli qarańǵy jerde otyr
ASTANA. Naýryzdyń 13-i. QazAqparat - Osydan tórt kún buryn Shyǵys Qazaqstan oblysynda kúshti jeldiń saldarynan jaryqsyz qalǵan 4760 abonenttiń 2 jarym myńnan astamy áli elektr energııasyz otyr,
dep habarlady Tótenshe jaǵdaılar mınıstrliginen.
Esterińizge sala keteıik, ústimizdegi naýryz aıynyń 9-ynan 10-yna qaraǵan túni sekýndyna 25-30 metr/sekýnd jyldamdyqpen daýyldatyp soqqan jeldiń saldarynan oblys aýmaǵynda 4 jarym myńnan astam abonenttiń elektr jaryǵy óship qaldy. Atap aıtar bolsaq, olar - Aıagóz qalasynyń - 1900, Shonjy, Saryterek, Myńbulaq jáne Znamenka aýyldarynyń - 1120, Glýbokoe aýdany Vınnoe jáne Veselovka aýyldarynyń - 940, Jarma aýdany Mıhaılov, Jarma, Qaratóbe, Keńtarlaý jáne Bylqyldaq aýyldarynyń - 800 tutynýshysy.
Vedomstvodan habarlaǵandaı, ótken juma, naýryzdyń 12-sine deıin tek 2026 abonenttiń elektr jelisin qalpyna keltirý múmkin boldy. Jumystar jalǵastyrylýda.
