Tórt qazaqstandyq boksshy fınalǵa shyqty - ÁCh
ASTANA. QazAqparat - Sofııa qalasynda ótip jatqan jastar arasyndaǵy álem chempıonatynda tórt qazaqstandyq boksshy fınalǵa shyqty.
Alǵashqy joldamany 49 keli salmaq dárejesinde Shalqar Aıdynbaı enshiledi. Ol jartylaı fınaldyq básekede Úndistan boksshysy Shýan Kakarýdan 2:1 esebimen basym tústi.
Tap osyndaı eseppen taǵy eki qazaqstandyq - Sultan Zaýyrbek (56 keli) Ulybrıtanııa sportshysy Peter Makgraındy, al Vadım Kazakov (81 keli) norvegııalyq Vegar Tregrendi utty. Abylaıhan Júsipov (60 keli) bolsa, ózbek boksshysy Ikboljan Holdorovty aıqyn basymdyqpen jeńdi - 3:0.
Fınaldyq jekpe-jekter erteń, 25 sáýirde ótedi, dep habarlaıdy Vesti.kz.
