Tórt qalada aýa sapasy nasharlaıdy
NUR-SULTAN. QazAqparat – «Qazgıdromet» RMK Qazaqstan qalalaryndaǵy 3 mamyr kúngi aýa sapasyna boljamyn jarııalady, dep habarlaıdy QazAqparat.
Kásiporynnyń málimetine sensek, qolaısyz meteorologııalyq jaǵdaı Atyraý, Qaraǵandy, Nur-Sultan, Qyzylorda qalalarynda bolady.
Ózge shaharlarda meteoahýal birqalypty.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, baıaý jel, tuman, ınversııa) jıyntyǵy.
Qolaısyz meteorologııalyq jaǵdaıynda eldimekenderdegi atmosferalyq aýanyń sapasy nasharlaýy yqtımal.
