Tórt qalada aýa sapasy nasharlaıdy
NUR-SULTAN. QazAqparat – «Qazgıdromet» mamandary 17 qarasha kúni Qazaqstan qalalarynda aýa sapasy qandaı bolatynyn jarııalady, dep habarlaıdy QazAqparat.
Sınoptıkterdiń málimetinshe, búgin Nur-Sultan, Aqtóbe, Balqash jáne Temirtaý qalalarynda aýa lastanýynyń qolaısyz meteorologııalyq jaǵdaılary kútiledi.
Ózge shaharlarda aýa sapasy norma sheginde bolady. Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
