Tórt qalada aýa sapasy nasharlaıdy

ASTANA. KAZINFORM – Búgin Qazaqstannyń 4 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.

- 2025 jylǵy 10 maýsymda Aqtóbe qalasynda, túnde Qostanaı, Atyraý, Astana qalalarynda qolaısyz meteorologııalyq jaǵdaılar kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin eldiń basym bóliginde jańbyr jaýatyny týraly habarlandy.