Tort ishindegi qurt: «Magným» sapasyz ónimdi jetkizýshige qaıtaryp berdi
ASTANA. QazAqparat - «Magným» saýda ortalyǵy jetkizýshige 90-ǵa tarta tortty qaıtaryp berdi. Torttyń ishindegi bireýinen qurt tabylǵan bolatyn, dep habarlaıdy «QazAqparat» HAA tilshisi.
«Magným Kesh end Kerrı» JShS men «Bahýs Tsentr» JShS-nyń aqparatyna sáıkes, «Magným» SO jedel túrde tekserý jumystaryn júrgizip, onyń nátıjesi boıynsha tórt pisiretin «Mır Tortını» JShS-niń 91 torty saýda sóresinen alynyp, jetkizip berýshige qaıtarylǵan. Sonymen birge, bolǵan jaıdyń sebebi anyqtalǵansha atalǵan ónim qabyldanbaıtyn boldy», - dep habarlaıdy «QazAqparat» HAA tilshisiniń saýalyna jaýap bergen Qoǵamdyq densaýlyq saqtaý departamenti.
Atalǵan jaıǵa satyp alýshynyń áleýmettik jelide qaldyrǵan shaǵymy sebep bolǵan. Ol vıdeoda saýda ortalyǵynyń sóresinde turǵan torttyń ishinde qatyp qalǵan qurtqa uqsas zat kórsetilgen.
Qurttyń tabylýy astanalyq satyp alýshylar kezdestirgen alǵashqy jaǵdaı emes. «Stolıchnyı hleb» kompanııasynyń óniminen Facebook qoldanýshylary oramjapyraqtyń tilimin taýyp alǵan.
Facebook qoldanýshylarynyń taǵy biri 5 mınýt buryn ǵana satyp alynǵan tartylǵan etten jún talshyǵynyń taýyp alǵanyn túsirgen.
«Sátpaev 14 mekenjaıyndaǵy «5 mınýt» dúkenine tekserý júrgizildi. Ol dúkennen 21 kelige jýyq tartylǵan et tárkilenip, joıyldy. Al «Stolıchnyı hleb» JShS-niń nan-toqash tsehynda erekshe tártip boıynsha tekserý júrgizilip jatyr», - dep jaýap berdi departament ókilderi.
foto: shkolazhizni.ru
