Tórt dúrkin álem chempıony atanǵan jalǵyz fýtbolshy Marıo Zagallo ómirden ótti
Brazılııa quramasynyń burynǵy fýtbolshysy Marıo Zagallo 92 jasynda ómirden ótti. Ol — dúnıe júzinde tórt dúrkin álem chempıony atanǵan jalǵyz fýtbolshy jáne bapker, dep habarlaıdy Kazinform.
Marıo Zagallo 1931 jyly dúnıege kelgen.
Fýtbolshy mansabynda 1948-1965 jyldarda Brazılııanyń klýbtarynda oınady.
1966 jyldan bastap Brazılııa klýbtarynyń, Kýveıt, Saýd Arabııasy, BAÁ quramalarynyń tizginin ustady.
Óz eliniń ulttyq quramasy sapynda 1958, 1962 jyldarda álem chempıony atandy.
Al 1970, 1994 jyldarda bapkerlik qyzmette altyn medal aldy.
«Marıo Zagallo fýtbol áleminde óz órnegin qaldyrdy. Oıynshy retinde jankúıerlerdiń jyly yqylasyna ıe bolsa, bapkerlik qyzmetinde jemisti eńbek etti», — dep jazylǵan Brazılııa fýtbol konfederatsııasy taratqan habarlamada.
Eske salsaq, budan buryn Krıshtıaný Ronaldý óz mansabynda 1200 oıyn ótkizip, jańa rekordyna qol jetkizgenin habarlaǵan edik.
