Tórt dúrkin «Týr de Frans» jeńimpazy dopıng qoldanǵany belgili boldy
ASTANA. QazAqparat - Velosıpedshilerdiń halyqaralyq odaǵy (UCI) brıtandyq veloshabandoz Krıs Frýmǵa 2017 jylǵy «Výelta» kópkúndigi kezinde tapsyrǵan dopıng synamasynda salbýtamol zatteginiń dopıngke qarsy erejeler normasynan asyp ketkenin eskertti. Bul jaıly uıymnyń baspasóz qyzmeti TASS agenttigine habarlady.
Dopıng synamasy 2017 jyldyń 7 qyrkúıegi kúni Frým jeńiske jetken bedeldi velojarys kezinde alyndy. «B» synamasy da teris nátıje bergen.
Frým «Týr de Franstyń» tórt dúrkin jeńimpazy (2013, 2015, 2016, 2017). Ótken maýsymda ol «Úlken petlıa» jáne «Ispan výeltasy» velojarystarynda jeńiske jetip, 1978 jyly bir jylda atalmysh eki týrda jeńiske jetken frantsýzdyq Bernar Inodan keıingi birinshi jáne týr tarıhyndaǵy úshinshi veloshabandoz atandy.
