Tórt dúrkin álem chempıony jol apatynan qaza boldy
ASTANA. 30 jeltoqsan. QazAqparat - Tórt dúrkin álem chempıony jáne Olımpıada oıyndarynyń eki dúrkin júldegeri Besık Kýdýhov jol apatynan qaza boldy.
Jol apaty keshe túnde Vladıkavkazdan Krasnodarǵa baratyn federaldy jol boıynda oryn aldy, dep habarlady Krasnodar aımaǵynyń dene shynyqtyrý jáne sport mınıstrliginiń baspasóz qyzmetinen.
Armavır túbinde Kýdýhovtyń mashınasyna aýyr júk kóligi soǵylǵan.
Kýdýhov Krasnodar aımaǵy úshin óner kórsetti jáne ol Olımpıada alaýyn alyp júrýi kerek bolatyn.
Erkin stıldegi 27 jastaǵy dańqty palýan 2008 jyly Beıjińdegi Olımpıadada qola jáne 2012 jyly Londonda kúmis júldeger atandy.
Ol tórt dúrkin álem chempıony, Eýropa chempıony boldy. Reseıdiń bes chempıonatynda altynnan alqa taqty, dep jazady RBK.
