Tórt aıda elimizdegi mashına jasaý salasy 36%-ǵa ósti – Álıhan Smaıylov

ASTANA. QazAqparat – Bıyl 4 aıdyń qorytyndysy boıynsha el ekonomıkasy turaqty ósý qarqynyn kórsetip otyr. Muny Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«4 aıdyń qorytyndysy boıynsha el ekonomıkasy jaqsy ósý qarqynyn kórsetip otyr. Jalpy ishki ónim kólemi ótken jyldyń sáıkes kezeńimen salystyrǵanda 5%-ǵa ósip otyr. Ekonmıkanyń bazalyq salalarynda oń dınamıka saqtalyp otyr. Óńdeý ónerkásibi 5,1%-ǵa ósti. Mashına jasaýda - 36%, onyń ishinde avtomobıl jasaýda – 41%, lokomotıv pen vagondar ónidirisnde 64% ósim tirkelip otyr. Farmatsevtıkada ósim 4%-dy qurady. Jeńil ónerkásip - 35%, onyń ishinde toqyma ónerkásibi - 55%, kıim-keshek - 8%, bylǵary ónimderiniń óndirisi 2%-ǵa ósimdi qamtamasyz etti. Azyq-túlik jáne mıneraldy ónimder óndirisi 8%-ǵa, daıyn metall buıymdaryn shyǵarý 16%-ǵa ósti. Munaı óńdeý 3%-ǵa artty. Sondaı-aq, elektr energııasyn óndirý 6%-ǵa ulǵaıdy», - dedi Álıhan Smaıylov.

Sonymen qatar, Úkimet basshysy taý-ken ónekásibindegi ósim 2% bolǵanyn atap ótti. Al, qurylys salasynda 15 paıyzdan astam turaqty ósim saqtalyp otyr.

Úkimet otyrysynda baıandama jasaǵan Ulttyq ekonomıka mınıstri Álibek Qýantyrov jyl basynan beri el ekonomıkasy 5 paıyzǵa óskenin atap ótti.