Tórt aıda 217 myńnan astam jeńil kólik tirkeldi
NUR-SULTAN. QazAqparat - 2020 jyldyń qańtar-sáýirinde elimizde 217 myńnan astam jeńil kólik tirkeldi. Mundaı derekti QR Ulttyq ekonomıka mınıstrliginiń Statıstıka komıteti jarııalady, dep habarlaıdy QazAqparat.
«2020 jylǵy qańtar-sáýirde Qazaqstan Respýblıkasynda 217592 jeńil avtomobıl tirkelgen. Bul ótken jylǵy tıisti kezeńmen salystyrǵanda 29,5 paıyzǵa kem. Qazaqstan Respýblıkasynda 2020 jylǵy 1 mamyrdaǵy jaǵdaı boıynsha tirkelgen jeńil avtomobılderdiń sany 3932,4 myń birlikti qurady», - delingen komıtet dereginde.
Vedomstvo málimetinshe, osy jylǵy qańtar-sáýirde 3 335 jol-kólik oqıǵasy tirkelip, 4 820 adam zardap shekken. Ótken jylǵy tıisti kezeńmen salystyrǵanda jol apaty 21,4 paıyzǵa kemidi.
2020 jylǵy 1 mamyrdaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 10 mlrd teńge somasynda 25 056 saqtandyrý tólemin júzege asyrdy.
