Tórt aı jalaqy almaǵan «Ordabasy» fýtbolshylary jattyǵýdan bas tartty
ASTANA. QazAqparat - «Ordabasy» fýtbol komandasynyń oıynshylary tórt aıdan beri jalaqylaryn ala alamaı júr. Shydamy taýysylǵan fýtbolshylar kezekti jattyǵýǵa shyǵýdan bas tartty, dep habarlaıdy QazAqparat «Tvk-uko» arnasyna silteme jasap.
5 qarasha kúni «Oqjetpes» qomandasymen saıysatyn «ordabasylyqtardy» jattyǵýdan góri jalaqy máselesi alańdatyp otyr.
«Biz jattyǵýǵa shyǵýdan bas tarttyq. Barlyǵy biledi, biz tórt aıdan beri jalaqysyz júrmiz», - deıdi Ordabasy komandasynyń qaqpashysy Almat Bekbaev.
Al komandanyń bas bapkeri bolsa aılyqtyń keshigý sebebin qajetti qarajatty durys eseptemegenderinen kórip otyr jáne máseleniń qarasha aıynda sheshiletinine sendirdi.
«Jaqsy nátıjege qol jetkizý úshin komandaǵa kóptegen legıonerlerdi aldyq. Sonyń saldarynan klýbtyń shyǵyndaryn durys josparlaı almadyq. Nátıjesinde oıynshylardyń jalaqysy sál keshigip jatyr. Másele qarasha aıynda sheshimin tabady», - dep atap ótti «Ordabasy» FK bas bapkeri Baqtııar Baıseıitov.
Fýtbolshylar bul ýádeni kezekti aldaýsyratý dep túsinýde.
«Jattyǵýǵa shyǵyńdar dedi, bizge aılyq ekinshi qarashada túsedi degen. Taǵy joq. Biz senbeımiz. Jalaqyny aldaǵy bolatyn oıynǵa deıin taǵy kúte turýǵa týra keledi»», - dedi Almat Bekbaev.
«Bas bapker oıynshylarymen bir saǵatqa jýyq ońasha jınalys ótkizdi. Alaıda uzaq áńgime nátıjesiz bolsa kerek, fýtbolshylar jıynnan shyǵa sala jattyǵýǵa emes úıdi-úılerine tarqasty», - dep habarlady telearna.
