Tórt aı boıy izdeýde bolǵan kókshetaýlyq tabyldy
KÓKShETAÝ. QazAqparat – Kókshetaýda iz-túzsiz joǵalyp, tórt aı boıy izdeýde bolǵan 25 jastaǵy turǵyn tabyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, 2020 jyldyń qańtar aıynda Kókshetaý qalalyq PB kezekshilik bólimine oblys ortalyǵynyń 69 jastaǵy turǵyny habarlasqan. Ol úıine jıi kelip hálin bilip turatyn 25 jastaǵy nemeresiniń habarsyz ketkenin aıtqan.
«Ájesiniń sózinshe, nemeresi qańtar aıynda Stepnogorsk qalasyna jańa jumysqa ornalasýǵa atanyp, keıin qaıtyp oralmaǵan. Nemeresi ájesiniń telefon qońyraýyna jaýap bermegendikten polıtsııa tarapynan jedel izdestirý sharasy qolǵa alyndy. Nátıjesinde 25 jastaǵy jigit Qostanaı qalasynan tabyldy. Belgili bolǵandaı, ol kórshi oblysta jumysqa ornalasqan jáne karantındik shekteýlerge baılanysty úıine jete almaǵan», - deıdi vedomstvodan.
Osy rette, tártip saqshylary azamattarǵa bir jaqqa, belgisiz ýaqytqa keterde jaqyndary men týysqandaryna eskertýdi eske salady.
