Tórt aqmolalyq ustaz «Úzdik pedagog-2017» respýblıkalyq baıqaýynyń jeńimpazy atandy
KÓKShETAÝ. QazAqparat - Aqmola oblysynda «Úzdik pedagog-2017» respýblıkalyq baıqaýynyń jeńimpazdary quttyqtaldy, dep habarlaıdy QazAqparat tilshisi.
Eske sala keteıik, 2017 jyldyń 5 qazan kúni Astana qalasynda Qazaqstan Respýblıkasy Bilim jáne ǵylym mınıstri B.Saǵadıevtiń qatysýymen «Úzdik pedagog-2017» respýblıkalyq baıqaýynyń jeńimpazdaryn marapattaý rásimi ótti.
Jeńimpazdar arasynda Aqmola oblysynan barǵan Kókshetaý qalasyndaǵy №11 «Araı» balabaqshasynyń mýzykalyq jetekshisi Kalıeva Ásel Ótegenqyzy, № 17 mektep-gımnazııasynyń bıologııa jáne hımııa pánderi muǵalimi Serik Koshanov, Stepnogorsk qalasyndaǵy Abaı Qunanbaev atyndaǵy № 6 gımnazııa- mektebiniń bıologııa páni muǵalimi Aleksandr Kıntsel jəne Şýchınsk qalasyndaǵy joǵary kolledjiniń arnaıy pánder oqytýshysy Anton Lazorskıı bar.
Óńirlik kommýnıkatsııalar qyzmetinde ótken brıfıngte «Úzdik pedagog-2017» respýblıkalyq baıqaýynyń jeńimpazdary quttyqtaldy.
