«Tórt aǵaıyndy» isi: Uıymdasqan qylmystyq top músheleri óz basshysyn tanymaıtyn bop shyqty
AQTÓBE. QazAqparat - Aqtóbede uıymdasqan qylmystyq top qurdy, qarý saqtady dep aıyptalyp jatqan Erkin Іzbasar, Aýhat Qalıevke qatysty iste 20-dan astam aıyptalýshy bar. Olardyń keıbiri top basshysyn tanymaıtyn bolyp shyqty, dep habarlaıdy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotynda Erkin Іzbasar men Aýhat Qalıevti ustaý operatsııasynyń beınematerıaly kórsetildi. Іs materıaldary kezinde ekeýinen qarý tabylyp, tergeýshiler men krımınalıster tapanshany arnaıy konvertke salyp, mór basqany kórsetildi. Sot otyrysy kezinde uıymdasqan qylmystyq top qurdy, qarý saqtady degen epızod boıynsha Kádirjan Pangereıuly men Qaıyrkeldi Іzturǵanovtan jaýap alyndy.
«Aıyptaý aktisi boıynsha uıymdasqan qylmystyq top 2003 jyly qurylǵan. Men ol kezde mektepte oqýshy boldym, qylmystyq top týraly eshteńe bilmeımin. Aýhat Qalıevti tanymaımyn, kórgen emespin. Al Kádirjan Pangereıuly ekeýmiz bir aýylda turdyq, tanımyn. Erkin Іzbasar týraly gazetten bilemin. Ol metsenat, sportshy. Kóbin osy sotta kórdim. Eshqandaı qylmysqa qatysqan joqpyn»,- dedi aıyptalýshy Qaıyrkeldi Іzturǵanov.
Al Kádirjan Pangereıuly aýyldasy Erkin Іzbasardy tanıdy. Aýhat Qalıevti Erkin Іzbasardyń baýyry, kómekshisi retinde biledi.
«Erkin Іzbasardy Baıǵanın aýdanynyń týmasy, sportshy retinde tanımyn. 2004 jyly ákem qaıtys bolyp, 2005 jyly úılendim. Aýylda anamdy jalǵyz qaldyra almadym. Sol jyldary Almaty qalasynda bolǵan iske esh qatysym joq. Al Enıkeev isi boıynsha Erkin Іzbasardan eshqandaı tapsyrma alǵanym joq. Sotta kórsetilgen qarýdy Erkinnen, Aýhattan kórmedim»,- dedi Kádirjan Pangereıuly.
Aıta keteıik, sot otyrysy kezinde 4 qarýdyń tárkilengeni aıtyldy. Ekeýi Aýhat Qalıevten, bireýi Erkin Іzbasardan, bir qarý Qartjan Qaldymurattan tárkilendi. Q.Qaldymurattan tabylǵan gaz travmatıkalyq qarý týraly Іshki ister organdary aldymen joıyldy dep aqparat taratyp, keıin bul qarýdyń ıesi Dúımanov ekenin anyqtady. Iesi qarýdy joǵaltyp alǵanyn, izdemegenin habarlaǵan. Osy derekke qatysty jaýapty quqyq qorǵaý organdary beredi.
