«Tórt aǵaıyndy» isi: Sottalýshylardyń biri óz qorǵaýshysynan bas tartty
AQTÓBE. QazAqparat - Aqtóbe oblystyq qylmystyq ister jónindegi mamandandyrylǵan aýdanaralyq sotynda Erkin Іzbasar, Aýhat Qalıev bastaǵan topqa qatysty sot otyrysy jalǵasty. Sottalýshylardyń biri óz advokatynan bas tartty, dep habarlaıdy QazAqparat tilshisi.
Aqtóbede «Tórt aǵaıyndy» isine baılanysty sot otyrysy jalǵasyp jatyr. Búgin sottalýshy Qaldymurat Qartjan óz qorǵaýshysynan bas tartyp, isti basqa adamǵa tapsyratynyn málimdedi. Biraq jańa qorǵaýshynyń aty-jóni belgisiz bolǵan soń sýdıa Ahmetqalı Moldaǵalıev memlekettik qorǵaýshyny bekitýge sheshim qabyldady.
«Maǵan memlekettik qorǵaýshy qajet emes. Zań boıynsha men advokat tańdaı alamyn jáne oǵan eki kún berýdi suraımyn»,- dedi sottalýshy Qaldymurat Qartjan. Sot otyrysy kezinde sýdıa A.Molǵalıev sottalýshynyń quqyǵyn túsindirdi.
Aıta keteıik, búgin sottalýshy Erkin Іzbasar men Qaldymurat Qartjannyń bılik ókiline qarsylyq kórsetý epızody boıynsha jaýap alynýy kerek bolatyn. Biraq prokýrorlar bıyl zań ózgerip, bılik ókiline qarsylyq kórsetý epızody qysqartylýy múmkin ekenin jetkizdi. Sot otyrysy kezinde sottalýshylar jýrnalıstiń qatysýyn, sýretke túsirýin shekteý týraly aıtty.
«Erkin Іzbasar, siz birde jýrnalısterdi shaqyrasyz, birde qarsy shyǵasyz. Ashyq sot otyrysyna olar qatysa alady. Eger sot otyrysyna kedergi keltirseńiz, sizdi zaldan shyǵaryp jiberemin»,- dep eskertý jasady sýdıa A. Moldaǵalıev.
