Tórt adam jyl boıy Marsta «tirshilik etti»: NASA eń uzaq ári eń qymbat eksperımentti aıaqtady
ASTANA. KAZINFORM — NASA adamnyń Marsqa ushýyna daıyndyq boıynsha eksperımenttik mıssııasynyń sátti aıaqtalǵanyn habarlady, dep jazady Euronews.
Tórt erikti «Mars blogynan» — Qyzyl ǵalamshardaǵy bolashaq kolonısterdiń ómir súrý jaǵdaıyn baqylaýǵa arnalǵan tájirıbelik keshennen shyqty.
Ekıpaj bir jyldan astam ýaqytty syrtqy álemnen oqshaý ótkizdi.
Tórt astronavt on myńnan astam úmitkerdiń ishinen tańdap alyndy.
NASA eń aldymen ǵaryshkerlerdiń oqshaýlanǵan, resýrsy shekteýli 160 sharshy metrlik blokta qonǵannan keıin ótkizetin ómiriniń psıhologııalyq aspektilerin zerttegenin atap ótti.
Onda kómek pen keńes suraý múmkindigi de shekteýli: tájirıbe barysynda sheshilgen negizgi máseleniń biri — Jermen baılanystyń keshigýi boldy.
«Marstyqtardyń» radıo arqyly jaýap alýy úshin shamamen jarty saǵat kútýine týra keldi, sondyqtan ekıpajdyń kópshiligi týyndaǵan máseleni óz betinshe sheshýge májbúr boldy.
Búkil eksperıment blogy jáne «planetanyń» aınalasy 3D prınterde basyp shyǵaryldy.
Olar bir jyl boıy Jerden áketken konservini azyq qyldy.
Sondaı-aq ǵaryshkerler shaǵyn jylyjaıda kókónis ósirýge tyrysty. Bul tapsyrma da resýrstardy, ásirese sýdy uqypty paıdalanýdy talap etedi.
