Tórt adam kıik múıizderimen ustaldy - BQO
ORAL. QazAqparat - Batys Qazaqstan oblysynda kıik múıizderimen tórt adam ustalyp, tergeý amaldary júrgizilýde, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, jergilikti polıtsııa qyzmeti tabıǵat qorǵaý polıtsııasy bóliminiń qyzmetkerleri júrgizgen reıdtik sharalar barysynda 31 tamyz kúni Jánibek aýdanynda kıik múıizin zańsyz saqtap, tasymaldaǵan 1981 jáne 1992 jylǵy turǵyndar quryqtaldy. Olardan 4 dana kıik múıizi tárkilendi.
Sondaı-aq, 11 qyrkúıek kúni Bókeı ordasy aýdanynda tórt dana múıizben 1969 jáne 1992 jylǵy taǵy eki azamat qolǵa tústi. Tárkilengen múıizder sot-bıologııalyq saraptamaǵa jiberildi.
Atalǵan derekter QR QK 339-babyna sáıkes sotqa deıingi tergep-tekserýdiń biryńǵaı tizilimine tirkelip, keshendi jedel izdestirý, tergeý jumystary júrgizilýde.
