TorSagѕ Burabay-2024: álemde sırek kezdesetin kólik Býrabaı kórmesine usynyldy
KÓKShETAÝ. KAZINFORM – Býrabaı kýrortynda sporttyq jáne sırek kezdesetin avtokólikterdiń «TorSagѕ Burabay-2024» avtokórmesi ótti.
Kórmege Qazaqstannyń ár túkpirinen kelgen avtoáýesqoılar qatysty. Kórmede BMW, TOYOTA, SUBARU, HAMMER, ZAZ tárizdi avtokólikter, sondaı-aq, Qazaqstandaǵy jalǵyz SHELBY COBRA (álemde osy markaly 100 avtomobıl ǵana) usynyldy.
Kórermender men avtocúıer qaýym demeýshiler usynǵan syılyqtar utysyna jáne keshki Open Air-ǵa qatysý múmkindigin aldy.
«Biz avtokórmeni seriktesterimizben ekinshi jyl ótkizip kelemiz. Ondaǵy basty maqsatymyz Býrabaı kýrortyn tanymal etý jáne jastardy tartý. Mundaı is-sharalar óńirdegi týrızmdi damytýǵa yqpal etedi, óıtkeni oǵan Qazaqstannyń ár óńirinen qatysýshylar men kórermender jınalady. Bul jolǵy avtokórmege retro avtomobılderden bastap, osy kúngi avtokóliktiń barlyǵy 50-ge jýyq túri ákelindi», - dep atap ótti «Býrabaı damý» JShS Bas dırektorynyń orynbasary Shyńǵys Orazalın.
Uıymdastyrýshylar atap ótkendeı, bul is-sharany Qazaqstannyń barlyq qalasynda ótkizý josparlanyp otyr.
Aıta ketsek, budan buryn Býrabaıda 300 astam adamnyń qatysýymen PikeMan chellendji ótkenin jazǵan edik.
