«Torpedonyń» dırektory men bas bapkeri qyzmetterinen ketti
ASTANA. QazAqparat - Óskemendik «Torpedo» hokkeı klýbynyń dırektory men bas bapkeri qyzmetterinen ketti, dep habarlaıdy QazAqparat.
Klýbtyń baspasóz qyzmetinen málim etkendeı, «Torpedonyń» dırektory Sergeı Nemchınovpen kelisimshart eki taraptyń kelisimi boıynsha buzyldy. Sergeı Lvovıch Nemchınov klýbtyń dırektory qyzmetine 2015 jyly kelgen.
«2016/2017 jylǵy maýsymda klýb Joǵary hokkeı lıgasynyń turaqty chempıonatynda jeńiske jetti. Sondaı-aq pleı-off kezeńinde sátti óner kórsetip, Bratına Kýbogynyń fınalyna deıin shyqty. «Torpedo» HK Sergeı Lvovıchke jemisti eńbegi úshin alǵys aıtady jáne aldaǵy qyzmetterinde sáttilik tileıdi», - delingen taratylǵan habarlamada.
Sondaı-aq óskemendik klýb bas bapker Alekseı Jdahınmen kelisimshartty toqtatýdy sheshken.
«Torpedo» hokkeıshileri tarıhta alǵash ret Joǵary hokkeı lıgasynda jeńiske jetýlerin jáne Bratına kýbogynyń aqtyq kezeńinde óner kórsetýlerin sondaı-aq Alekseı Jdahınniń qajyrly eńbegimen baılanystyrady.
