«Torpedo» jartylaı fınalǵa shyqty
ASTANA. QazAqparat - Búgin Óskemen qalasynyń "Torpedo" xokkeı klýby óz alańynda Sankt-Peterbordyń "Dınamosyn" qabyldap, aıqyn basymdyqpen jeńiske jetti.
Osy oıynda óskemendik klýbtyń eki birdeı xokkeıshisi dýbldiń avtory atandy, dep xabarlaıdy QazAqparat tilshisi.
Sheshýshi matchta qarsylastar esepti birinshi bolyp ashty. "Dınamonyń" xokkeıshileri alǵashqy mınýtta-aq shaıba salyp ketti. Alaıda, kóp uzamaı, Aleksandr Shın esepti teńestirdi. Al ekinshi kezeńde dýbldiń avtory atandy. Úsh mınýttan keıin "Torpedonyń" xokkeıshisi Andreı Belozerov esep aıyrmasyn 3:1-ge jetkizdi. Al úshinshi kezeńde ol da dýbldiń avtory retinde kózge tústi. Esep - 4:1.
Oıynnyń sońǵy mınýttarynda qarsylas komanda bir xokkeıshige artyq qurammen bir shaıba salyp ketti. Sosyn qaqpashyny alyp tastap, esepti taǵy qysqartqysy keldi. Degenmen, "Torpedonyń" xokkeıshileri bos turǵan qaqpaǵa shaıba soqty. Qorytyndy esep - 5:2. Osy matchtan keıin "Torpedo" tórtinshi jeńisine qol jetkizip, jalpy esep boıynsha 4:3-pen lıganyń jartylaı fınalyna shyǵyp otyr.
Aıta keteıik, buǵan deıin Qaraǵandy qalasynyń "Saryarqa" xokkeı klýby shırek fınalda súringen bolatyn. Osydan keıin klýbtyń bas bapkeri Vadım Epachıntsev qyzmetinen ketti.
