«Torpedo» upaı sany jaǵynan alǵa shyqty
ASTANA. QazAqparat - Óskemen qalasynyń "Torpedo" xokkeı klýby syrt alańda "Rýbındi" jeńip, upaı sany jaǵynan alǵa shyqty, dep xabarlaıdy QazAqparat tilshisi.
Reseıdiń Túmen qalasynda ótken keshegi oıynda alań ıeleri esepti taǵy birinshi bolyp ashty. Buǵan deıingi matchta da solaı boldy. "Rýbınnniń" xokkeıshileri alǵashqy kezeńniń ekinshi mınýtynda bir shaıba salyp ketti. Degenmen, odan ary asa almady. Al úsh mınýttan keıin Talǵat Jaılaýov pen Maık Dalxeısenniń pasynan keıin Konstantın Romanov tarazy basyn teńestirdi. Sodan eki komanda da alǵa shyǵýǵa tyrysty. Qatelikter de, aıyp ýaqyty da, artyq quramda oınaý da boldy. Alaıda ekinshi jáne úshinshi kezeńde shaıba soǵylǵan joq. Sóıtip, oıyn overtaımda jalǵasty. Onda sáttilik "Torpedoǵa" serik boldy. Evgenıı Rymarev taǵy da kózge túsip, óz komandasyna jeńis ákeldi.
Aıta keteıik, buǵan deıin Óskemen qalasynda ótken eki matchta "Torpedo" bir ret utylsa, bir ret jeńgen bolatyn. Sol kezde Evgenıı Rymarev úsh shaıba soǵyp, xet-trıktiń avtory atanǵan. https://kaz.inform.kz/news/hokkey-torpedo-tarazy-basyn-tenestirdi_a3012158
Keshegi oıynnan keıin "Torpedo" 2:1 esebimen alǵa shyqty. Joǵary xokkeı lıgasynyń fınalyna shyǵý úshin qarsylasty tórt ret jeńý kerek.
