«Torpedo» shaıbaly hokkeıden Kontınentaldy kýbok oıyndaryn jeńispen bastady
ASTANA. KAZINFORM — Qazaqstandyq «Torpedo» (Óskemen) komandasy shaıbaly hokkeıden Kontınentaldy kýbokta alǵashqy oıynyn Danııanyń «Hernıng Blıý Foks» komandasyna qarsy ótkizdi.
Bul týrnır Ulybrıtanııanyń Nottıngem qalasynda ótip jatyr. Qazaqstandyq komanda «Anje Daks» (Frantsııa) jáne«Hernıng Blıý Foks» (Danııa) komandalarymen synǵa túsedi.
Búgingi kezdesý barysynda birinshi kezeńde komandalar bir-bir goldan soqty. Ekinshi kezeńde qazaqstandyq komanda úsh shaıba engizse, oǵan danııalyq hokkeıshiler bir golmen ajýap berdi. Sheshýshi kezeńde óskemendik komanda taǵy márte qarsylas qaqpasynan sańylaý tapty.
Osylaısha olar qarsylasynan 6:2 esebimen basym tústi.
«Hernıng Blıý Foks» (Danııa) — «Torpedo» (Qazaqstan) 2:6 (1:1, 1:3, 0:2)
0:1 — Rahmanov (Mýsorov) — 03:03
1:1 — Baý (Amorosa, Poýlsen) — 07:29
2:1 — Tsıbýlskıs (Maksımovıch) — 22:26
2:2 — Kolobov (ıAkovlev, Aleksandrov) — 28:54
2:3 — Mýsorov (Borovıkov, Grents) — 29:25
2:4 — Kolobov (Rýnov, Aldabergenov) — 37:39
2:5 — Grents (Aldabergenov, Borovıkov) — 52:00
2:6 — Klıaýzov (Rıfel) — 55:34
Qaqpashylar: Fetsers — Pestov.
Endi qazaqstandyq komanda toptyq kezeńdegi 16 qańtarda saǵat 19:30–da taǵy bir oıynyn Frantsııanyń «Anje Daks» klýbyna qarsy ótkizedi.
Árbir toptyń jeńimpazy fınaldyq kezeńde altynǵa talasady. Ekinshi oryn alǵan klýbtar qola júldeni sarapqa salady. Toptyq kezeńde úshinshi oryndy mise tutqan ujymdar týrnırdiń besinshi orny úshin muzaıdynǵa shyǵady.
Halyqaralyq týrnır 18 qańtar kúni máresine jetedi.
