«Torpedo» Kontınentaldy kýbok oıyndarynda fınalǵa shyqty

ASTANA. KAZINFORM — Qazaqstandyq «Torpedo» (Óskemen) komandasy shaıbaly hokkeıden Kontınentaldy kýbok oıyndarynda ekinshi kezdesýin Frantsııanyń «Anje Daks» komandasyna qarsy ótkizdi.

Kezdesý barysynda komandalar birinshi jáne kinshi kezeńde bir-biriniń qaqpasynan asńylaý taba alǵan joq. Sheshýshi kezeńde aldymen frantsııalyq hokkeıshiler eki gol soqsa, odan qazaqstandyq klýb tarazy basyn teńestirdi.

Negizgi kezeńde 2:2 esebi tirkelip, oıyn overtaımǵa ulasty. Overtaımda frantsııalyq komanda jeńis shaıbasyn soǵyp ketti.

Osylaısha «Torpedo» qarsylasyna 2:3 esebimen ese jiberdi. 

Qazaqstandyq klýb bul týrnırdegi alǵashqy kezdesýinde «Hernıng Blıý Foksynan» 6:2 esebimen basym tústi. 

Eki oıynda tórt upaı qorjynǵa salǵan «Torpedo» óz tobynda birinshi oryn aldy. Endi olar altyn júldege talasady.

«Torpedo» - «Dıýk D`Anje» 2:3 OT (0:0, 0:0, 2:2, 0:1)

0:1 - Rıts (Donahıý) - 42:24

0:2 - Hellı (Onno, Tsentatstso) - 46:14

1:2 - Panchenko (Rýnov, Horoshev) - 52:45

2:2 - Aldabergenov (Panchenko, Ryjıı) - 56:30

2:3 - Arshambo (Sharbonno) - 63:46

Qaqpashylar: Pestov - Smıt

Árbir toptyń jeńimpazy fınaldyq kezeńde altynǵa talasady. Ekinshi oryn alǵan klýbtar qola júldeni sarapqa salady. Toptyq kezeńde úshinshi oryndy mise tutqan ujymdar týrnırdiń besinshi orny úshin muzaıdynǵa shyǵady.

Halyqaralyq týrnır 18 qańtar kúni máresine jetedi.