«Torpedo» hokkeı klýby syrt aıdynda «Gornıakty» jeńdi

ASTANA. KAZINFORM — Shaıbaly hokkeıden Qazaqstan birinshiliginde kezekti oıyn kúni ótti.Bul kúni Rýdnyıdyń «Gornıak» klýby óskemendik «Torpedoǵa» overtaımda 5:6 esebimen ese jiberse, Petropavldyń «Qulageri» Atyraýdyń «Beıbarysyn» 4:1, Astananyń «Nomadts» Kókshetaýdyń «Arlanyn» 4:2, «Almaty» overrtaımda «Ertisti» 3:2, qaraǵandylyq «Saryarqa» «Aqtóbeni» 9:0 esebimen jeńdi.

Shaıbaly hokkeıden Qazaqstan birinshiligi 1992 jyldan beri turaqty ótkizilip keledi. Qazirge deıin «Torpedo» — 13, «Beıbarys» — 4, «Ertis», «Saryarqa», «Arlan» — 3, «Barys», «Nomad» — 2, «Qazaqmys» (Sátpaev) pen «Bolat» (Temirtaý) — 1 márte chempıon atandy. 
Ótken maýsymda «Arlan» jeńis tuǵyryna kóterildi.

Qazir týrnır kestesinde «Torpedo» men «Nomad» 7 upaımen alǵashqy eki oryndy ózara bólisip tur.

Eske salsaq, budan buryn aldaǵy maýsymda shaıbaly hokkeıden Kontınentaldyq kýbok oıyndaryna elimizdiń atynan Óskemenniń «Torpedo» komandasy qatysatyn boldy.