Toronto qalasynyń merine jol erejesin buzǵany úshin aıyppul salyndy
ASTANA. QazAqparat - Toronto qalasynyń meri Rob Fordqa Vankýverdiń shet aımaǵyndaǵy joldy belgilenbegen jerden kesip ótkeni úshin aıyppul salyndy, dep habarlaıdy lenta.ru.
Oqıǵa juma kúni bolǵan. Ford otbasymen birge Vankýverge dosynyń anasyn jerleý rásimine kelgen. Onyń pikirinshe, aıyppul salǵan polıtseıler Fordtyń brıtandyq Kolýmbııa halqy jankúıer bolyp tabylatyn «Sıettl Sı Hoýks» amerıkalyq fýtbol komandasyna emes, «Denver Bronkos» komandasyna jankúıer bolatyndyǵy úshin osyndaı áreketke barǵan. Bul komandalar búgin, ıaǵnı 2 aqpanda ulttyq fýtbol lıgasynyń fınalynda kezdesedi.
Aıyppul mólsheri 109 kanadalyq dollardy (shamamen 98 AQSh dollary) quraǵan. Al polıtseılerdiń naqty pikiri týraly eshteńe aıtylmaıdy.
