Toronto áýejaıynda eki ushaq soqtyǵysyp qaldy
ASTANA. QazAqparat - Kanadada Toronto qalasyndaǵy Lester Pırson atyndaǵy iri áýejaıda juma kúni eki ushaq soqtyǵysyp qaldy, dep habarlaıdy TASS.
Abyroı bolǵanda, oqys oqıǵadan eshkim zardap shekken joq. WestJet áýekompanııasy óziniń Twitter-inde meksıkalyq Kankýnnan kelgen Boeing 737-800 ushaǵy turaqtan endi qozǵala bastaǵan Sunwing áýekompanııasynyń ushaǵyna soǵylǵandyǵyn jazdy. WestJet laıneriniń bortynda 168 adam bolǵan. Olardyń bári evakýatsııalandy. Al Sunwing ushaǵynda jolaýshylar bolmaǵan.
