Torǵaılyqtardyń amanaty Ulttyq quryltaıda Prezıdentke jetkizildi
«Eldiń bir ótinishin aıta ketkim kelip otyr. Ultymyzdyń ustazy, uly kósemimiz Ahmet Baıtursynulynyń týǵanyna bıyl 150 jyl tolyp otyr. Torǵaı eliniń azamattary maǵan amanat júktedi. «Sen jetkizshi, bul jalǵyz Torǵaı emes, búkil qazaq eliniń arman-tilegi ǵoı. Ahmet bárimizdiń tóbemizdegi altyn shyraǵymyz ǵoı. Anaý týǵan topyraǵy Sarytúbekti bir qamqorlyqqa alyp, nazaryn salsa eken. Sol jerge jol tartylsa eken, ata qorymy qurmettelse eken, qystaýynyń orny erteńgi toıyna deıin bir qalypqa kelse eken» dep jatyr», - dedi aqyn.
Aıta keteıik, Prezıdent Ulytaý oblysyna jumys sapary aıasynda Ulttyq quryltaıdyń alǵashqy otyrysyna qatysyp jatyr.
Keshe Memleket basshysynyń Ulttyq quryltaı qurý týraly Jarlyǵy jarııalandy.
Ulttyq quryltaıdyń qazirgi quramynda Májilis depýtattary men QHA múshelerinen, azamattyq qoǵam men saıası partııa ókilderinen, sarapshylar men óńirlerdegi qoǵamdyq keńes múshelerinen, kásipkerlerden jasaqtalǵan 117 adam bar.
Solardyń bir parasyn atasaq, aqyn Muhtar Shahanov, qazaqtyń tuńǵysh ǵaryshkeri Toqtar Áýbákirov, akademık Asqar Jumadildaev, ekonomıst Jaqsybek Kúlekeev, saıasatker Álıhan Báımenov, jýrnalıst, medıa-menedjer, qoǵam qaıratkeri Ermurat Bápı, Parlamenttiń birneshe shaqyrylymynyń depýtaty Nurtaı Sabılıanov, balýan Dáýlet Turlyhanov, ǵalym-bıotehnolog Kúnsulý Zakarııa, dintanýshy Qaırat Joldybaı, ǵalym Anar Fazyljanova sııaqty esimder bar.
Memlekettik keńesshi Erlan Qarınniń jazbasyna súıensek, keleshekte quryltaı jumysyna qatysýshylar aýystyrylyp otyrýy múmkin.
