Torǵaıda saıǵaqtardyń qyrylýyn zertteýshiler ekinshi belgisiz shar tapty
ASTANA. QazAqparat - Kıikterdiń jappaı qyrylýynan keıin Qazaqstannyń bıoalýantúrliligin saqtaý qaýymdastyǵy uıymdastyrǵan ekspedıtsııa óz jumysyn aıaqtady, dep habarlady «Nasha gazeta».
Bul janýarlardyń 130 000 astamynyń qyrylýy - bıologııalyq apat. Saıǵaqtardyń jappaı qyrylýy bul jerlerde qaýiptiń erekshe faktory paıda boldy degen oıdyń týýyna sebep boldy. Muny anyqtaý úshin ekspedıtsııanyń 9 múshesi eńbektendi. Olardyń ishinde zoologtar, ınfektsııalyq aýrýlar jáne zymyran-ǵarysh qyzmeti boıynsha mamandar boldy.
Ekspedıtsııa jumysy 27 maýsymda Qyzylorda oblysynda bastalyp, 12 kúnge sozyldy.
Ekspedıtsııaǵa qatysqan Frankfýrt zoologııalyq qoǵamynyń ókili Shtefan Tsýtar Torǵaıda olar buǵan deıin jaılaýda tapqan shardyń ekinshisin baıqaǵanyn aıtty. Ony radıatsııalyq qaýipin teksergen, shar Amangeldi aýdanynyń polıtsııasynda saqtaýly tur. Ekspedıtsııaǵa qatysýshylardyń sózine qaraǵanda, kıikterdiń qyrylýyna onyń esh qatysy joq.
