Torǵaıda qazaq kúresinen respýblıkalyq týrnır aıaqtaldy
QOSTANAI. QazAqparat - Qostanaı oblysynyń Jankeldın aýdanynda qazaq kúresinen respýblıkalyq týrnır máresine jetti, dep habarlaıdy QazAqparat timepress.kz saıtyna silteme jasap.
Qazaq kúresinen respýblıkalyq jarys Jankeldın aýdanynyń Torǵaı aýylynda ótti. Palýandar básekesi Shaqshaq Jánibek batyrdyń 325 jyldyǵy, Torǵaı qalasynyń 150 jyldyǵy jáne Jankeldın aýdanynyń 90 jyldyǵyna arnaldy.
Palýandar úsh salmaq dárejesinde básekege tústi - 60 kelige deıin, 70 kelige deıin jáne 70 keliden astam.
60 jáne 70 kelide úzdik shyqqan sportshylarǵa demeýshiler tarapynan qarjylaı syılyqtar tabys etildi. Al «túıe palýan» básekesinde eldiń ár túkpirinen kelgen 20 sportshy kúresti. Jartylaı fınalda jarys ıesi Ǵabıt Balǵynbaev tájirıbeli Murat Kıntonovty (Arqalyq) jeńse, tanymal bapker Azamat Erádilov Amangeldi aýdanynyń palýany Altynbaı Bolatovty utty.
«Túıe palýan» ataǵyna Balǵynbaev pen Erádilov talasty. Negizgi ýaqytta jeńimpaz anyqtalmady. Beldesýde aılasyn asyrǵan Azamat Erádilovke avtokólik kilti tapsyryldy.
