«Torǵaı-Petroleým» AQ jaýapkershilikke tartyldy

NUR-SULTAN. QazAqparat - «Torǵaı-Petroleým» AQ-y men «SPF Montajspetsstroı» JShS-y ákimshilik jaýapkershilikke tartyldy. Bul týraly QR Energetıka mınıstrliginiń baspasóz qyzmetinen málim etti, dep habarlaıdy QazAqparat tilshisi.

«QR Energetıka mınıstrliginiń Atomdyq jáne energetıkalyq qadaǵalaý men baqylaý komıteti «Torǵaı-Petroleým» AQ-y men «SPF Montajspetsstroı» JShS-ǵa qatysty erekshe tártip boıynsha tekserýler júrgizdi. Tekserý barysynda atalǵan uıymdar radıoaktıvti qaldyqtarmen, ıondaýshy sáýlelenýdi generatsııalaıtyn qurylǵylar jáne qondyrǵylarmen, radıoaktıvti zattarmen jumys isteý kezinde atom energııasyn paıdalaný salasynda qoldanylatyn normatıvtik-quqyqtyq aktilerdiń talaptaryn saqtamaıtyny anyqtaldy», - delingen habarlamada.

Tekserýdiń nátıjesi boıynsha ákimshilik quqyq buzýshylyq týraly hattamalar jasaldy jáne anyqtalǵan buzýshylyqtardy joıý týraly nusqamalar berildi.