Torǵaı ózeninen iri kólemde balyq aýlaǵan top ustaldy
AQTÓBE. QazAqparat - Torǵaı ózeninen 330 keli balyq aýlaǵan top ustalyp, tergeý bastaldy, dep habarlaıdy QazAqparat tilshisi.
Aqtóbe oblystyq polıtsııa departamenti iri kólemde zańsyz balyq aýlaǵan topty ustady. Yrǵyz-Torǵaı memlekettik tabıǵı rezervatynda qolǵa túskenderge qatysty tergeý bastaldy.
«Polıtsııa Yrǵyz aýdanynyń aýmaǵynda Torǵaı ózeniniń jaǵasynda «Toyota Land Cruiser-80» avtóliginiń toqtatty. 61 jastaǵy kólik júrgizýshisi men eki jolaýshy bolǵan mashınanyń júk salǵyshynan 330 keli balyq tabyldy. Osy fakti boıynsha QK «Balyq resýrstaryn, basqa da sý janýarlaryn nemese ósimdikterin zańsyz alý» baby boıynsha tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
Kúdiktilerdiń kinási dáleldense, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan jeti jylǵa deıingi merzimge aıyra otyryp, alty myń aılyq eseptik kórsetkishke deıingi mólsherde aıyppul salý ne sol mólsherde túzeý jumystary ne úsh jyldan alty jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý túrindegi jazany kózdeıdi.
