Torǵaı dalasyndaǵy tarıhı eskertkishterge qamqorlyq qajet - Sapar Ysqaqov
ASTANA. Shildeniń 30-y. QazAqparat /Janna Qorqytova/ - Búgin Astanada ótken baspasóz máslıhatynda belgili metsenat Sapar Ysqaqov jýrnalısterge eleń etkizer jańalyqty - qorǵan túrinde topyraqtan úıip jasalǵan biregeı geoglıfterdi - releftik geometrııalyq órnekterdi tapqanyn habarlady. Onyń aıtýynsha, bul órnekterdi spýtnıkten anyqtap kórýge bolady.
Olar budan eki jyl buryn Google Earth baǵdarlamasynyń ǵaryshtyq túsiriliminiń kómegimen Torǵaı dalasynan tabylǵan. Onyń biregeıligi sonda, olardyń árqaısysy belgili bir pishinde bolǵan. Barlyǵy osyndaı toǵyz nysan tabyldy. Olar: Úshtoǵaı tórttaǵany, Ekidin kresi, Aşytasty kresteri, kvadrat, saqına jáne eki syzyq túrinde, jáne t.b. Arheologtardyń boljamdaryna qaraǵanda, olardyń jasy shamamen bizdiń jyl sanaýymyzdan burynǵy 2-10 myń jyl. Onyń dál jasyn alǵashqy artefaktilik jádigerler tabylǵanda ǵana anyqtaýǵa bolady.
Ótken aıda quramynda jýrnalıster men arheologtar bar ekspedıtsııa arheologııalyq nysandardy aldyn ala zertteý maqsatymen, sondaı-aq biregeı qorǵandardy muqııat zertteýge qoǵamnyń nazaryn aýdarý úshin Qostanaı oblysynyń ońtústigine (Torǵaı aımaǵyna) baryp qaıtqan.
«Ekspedıtsııanyń negizgi maqsaty - ókimet oryndarynyń jáne kásipkerlerdiń nazaryn aýdarý. Qorǵandardy georadardyń kómegimen kóshirip alý úshin jabdyqtar satyp alýǵa qarjy qajet. Arheologtar men oblys turǵyndary bir qorǵandy ashyp kórmek bolǵan, biraq ta odan ári jumys júrgizý múmkin emes, ony joıyp alýymyz múmkin», - deıdi ekspedıtsııaǵa qatysýshylar.
«Búkil álemde sırek kezdesetin mundaı tarıhı eskertkishterdi urpaqtarymyzǵa qaldyrý úshin ony saqtaý qajet», - deıdi Sapar Ysqaqov.
Ekspedıtsııaǵa qatysýshylar «Torǵaıdy túletý» qoǵamdyq qoryn quryp, osy tarıhı eskertkishti memleket qorǵaýyna alý úshin zertteý kerek degen usynys aıtady. Olardyń pikirinshe, Torǵaı qorǵandaryn ıÝNESKO tizimine engizý qajet.
