Tóretamda bes qabatty turǵyn úı órtenip, 13 adam evakýatsııalandy - Qyzylorda oblysy

QYZYLORDA. QazAqparat - Qyzylorda oblysy Qarmaqshy aýdanyna qarasty Tóretam kentinde bes qabatty turǵyn úıden órt shyǵyp, 13 adam evakýatsııalandy, dep habarlaıdy QazAqparat tilshisi.

Oqıǵa Qarmaqshy aýdanyna qarasty Tóretam kentindegi bas qabatty turǵyn úıde boldy. Aýdandyq órt sóndirý bólimine bes qabatty turǵyn úıdiń ekinshi qabatynda ornalasqan eki bólmeli páter janyp jatqany týraly habarlama tústi.

«Atalǵan shaqyrtý boıynsha oqıǵa ornyna 8 órt sóndirý bólimi jedel jetti. Barlaý jumystary nátıjesinde páter ishinen syıymdylyǵy 50 lıtrlik - bir, 3-qabatta ornalasqan № 50 páterden syıymdylyǵy 27 lıtrlik eki gaz ballony shyǵaryldy. Oqıǵa barysynda 13 adam evakýatsııalandy. Onyń jeteýi bala. Adamdar aman», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.