Tóreshini balaǵattaǵan Samat Smaqov 4 oıynnan shettetildi

ASTANA. KAZINFORM - Fýtboldan taldyqorǵandyq «Jetisý» komandasynyń bas bapkeri Samat Smaqov Qazaqstan Premer-lıgasynyń aldaǵy 4 oıynyna qatyspaıdy. 

Bul sheshim QFF-nyń Baqylaý, tártiptik jáne etıkalyq komıtetiniń otyrysynda qabyldandy. 

Smaqov Qazaqstan Premer-lıgasynyń V týryndaǵy «Ordabasy» men «Jetisý» kezdesýinde bas tóreshige til tıgizip, ádepsiz sózder aıtqan. Osyǵan baılanysty ol tórt oıynnan shettetildi. 

Aıta ketsek, atalǵan kezdesýde taldyqorǵandyq klýb qarsylasyna 0:1 esebimen jol berdi.  

Qazir týrnır kestesinde bes oıynnan keıin 3 upaımen 11-orynda keledi.

Samat Smaqov «Jetisý» komandasy bas bapkeri qyzmetine ótken jyldyń jeltoqsan aıynda keldi. Oǵan deıin Birinshi lıgada Semeıdiń «Elimaı» klýbyna jetekshilik jasasa, odan keıin «Astana» klýbynyń sporttyq dırektory qyzmetterin atqardy.