Tóreshilermen daýlasqan klýb jetekshisine 100 myń dollar aıyppul salyndy
ASTANA. 20 qańtar. QazAqparat - Ulttyq basketbol qaýymdastyǵy matchtan keıin tóreshilermen daý-damaıǵa túskeni úshin «Dallas Maverıks» klýbynyń ıesi Mark Kýbanǵa 100 myń dollar kóleminde aıyppul saldy,
dep habarlaıdy Lenta.rý.
Bul aıyppuldy Kýban 15 qańtar kúni «Maverıks» pen «Los-Andjeles Klıppers» klýbtarynyń arasynda ótken match kezindegi jaǵymsyz qylyqtary úshin tóleýge májbúr. Kýbannyń komandasy kezdesýdiń aıaqtalýyna bes mınýt qalǵanǵa deıin qarsylastarynan 17 upaıǵa alda kele jatqan-dy, alaıda oıyn sońynda múmkindikti qoldan shyǵaryp, 127:129 esebimen jeńiliske ushyrady.
Matchtan keıin Kýban alańǵa júgirip shyǵyp, tóreshilerge aıqaılaǵan. Oıynǵa qatysty onyń qandaı narazylyqtary bolǵandyǵy jaıly aıtylmaı otyr.
