Tóreshiler Golovkın-Alvares aıqasyn qalaı baǵalaýy kerek edi

ASTANA. QazAqparat - TheFightCity.com saıtynyń tilshisi Saımon Treversı Gennadıı Golovkın (37-0-1, 33 KO) men Saýl Alvares (49-1-2, 34 KO) aıqasyna tóreshilik týraly pikirimen bólisti, dep habarlaıdy Sports.kz.

Eske salaıyq, teń nátıjemen aıaqtalǵan aıqasqa sýdıalar mynadaı upaı bergen edi: Adelaıda Berd - 118-110 Alvarestiń paıdasyna, Deıv Morettı - 115-113 Golovkınniń paıdasyna, Don Trella - 114-114.

«Iá, kóptegen adamdar Golovkındi jeńdi dep esepteıdi - men de solardyń qataryndamyn», - dep jazdy sarapshy.

Onyń pikirinshe, sýdıalardyń baǵalaıtyn belgileri mynadaı bolýy tıis:

1.     Taza panchtar: boksshylardyń naqty jáne zańdy soqqy berý qabiletteri.

2.     Tıimdi agressııa: qarsylasty ańdyp, soqqydan qasha otyryp, ony urý qabileti.

3.     Rıngtegi jalpy baqylaý: qarsylasyna óziniń erkin, stılin jáne ádisin mindetteý qabileti.

4.     Qorǵanys: qarsylasyn qatelesýge mindetteý qabileti.

«Jalpy alǵanda panchtar boıynsha teń tústi. «Kanelo» sırek, biraq taza urdy, al GGG - jıi jáne agressıvti túrde soqqy berdi. Sondyqtan Golovkın tıimdi agressııany ıelense, Alvares jaqsy qorǵandy. Sońǵy tarmaq qaldy - rıngtegi jalpy baqylaý. Meni Alvarestiń ıkemi tańqaldyrdy. Ol Golovkındi meılinshe saq bolýǵa májbúrlep, jaqsy qarsylyq kórsetti jáne soqqylardyń kshin kabırledi. Biraq Gennadıı oǵan beıimdelýge múmkindik taýyp, aıqasty baqylaýda ustady. Ol kóptegen raýndtarda «Kanelodan» basym túsip, ózin jaıly sezindi jáne óz sharttaryn júrgizdi», - dep esepteıdi avtor.