Tóreshi «Taraz» - «Kaspıı» kezdesýinde 4 goldy eseptemedi
TARAZ. QazAqparat - Fýtboldan Qazaqstannyń birinshi lıgasynyń ókilderi arasyndaǵy «Taraz» - «Kaspıı» kezdesýinde adam sengisiz oqıǵa boldy, dep habarlaıdy QazAqparat tilshisi.
Klýb baspasóz qyzmetiniń málimdeýinshe, tóreshiler brıgadasy alań ıeleriniń tórt birdeı golyn eseptemeı tastady. Qaptaldaǵy tóreshiler olardyń oıynnan tys jaǵdaıda soǵylǵanyn bildirdi.
7-mınýtta Abzal Taýbaı, 40-mınýtta Konstantın Dýdchenko, 75-mınýtta Dıas Sabyrovtardyń goldary ofsaıdtan soǵyldy, sondaı-aq Taýbaev oıyn sońynda taǵy bir ret «oıynnan tys» gol soqty.
Degenmen «Taraz» bulardan tys taǵy da 4 gol soǵyp, iri eseppen jeńiske jetti.
Osy jeńisten keıin 27 upaı jınaǵan tarazdyqtar týrnır kestesinde Shymkenttiń «Qyran» komandasynan 2 upaı ǵana artta keledi.
