Tórehan Sabyrhan jastar arasyndaǵy álem chempıonatynyń jartylaı fınalyna shyqty
ASTANA. KAZINFORM - Chernogorııanyń Býdva qalasynda ótip jatqan bokstan jastar arasyndaǵy álem chempıonatyndaTórehan Sabyrhan (67 keli) jartylaı fınalǵa ótti.
Qazaqstandyq boksshy shırek fınalda ózbekstandyq Akbar Ahmadovty jeńdi. Endi ol jartylaı fınalda qytaılyq boksshymen qolǵap túıistiredi.
Tórehan budan buryn chernogorııalyq Mılosh Roganovıch pen aýǵanstandyq Samır Hamdamdy tize búktirdi.
Qazaqstandyq boksshy jastar men jasóspirimder arasynda tórt márte Azııa chempıonaty atandy.
Aıta ketsek, budan buryn álem chempıonatynda shırek fınalda Dıas Berikbaı (48 keli) ıspandyq qarsylasyn 3:2 esebimen jeńdi. Onyń jartylaı fınaldaǵy qarsylasy - Saıfıddın Sabırov (Ózbekstan).
Eske salsaq, budan buryn Ánel Abdrasılova men Arýjan Jańabaev jartylaı fınalǵa ótti.
Álem chempıonaty 3 qarashaǵa deıin sozylady.
