Tórehan Sabyrhan jastar arasynda álem chempıony atandy
ASTANA. KAZINFORM - Tórehan Sabyrhan (67 keli) bokstan jastar arasyndaǵy 2024 jylǵy álem chempıony atandy.
Chernogorııanyń Býdva qalasynda ótip jatqan álem chempıonatynda ol kýbalyq Devıd Manýel Espınosa Santoıany jeńdi.
Dúbirli dodada shırek fınalda ózbekstandyq Akbar Ahmadov, chernogorııalyq Mılosh Roganovıch pen aýǵanstandyq Samır Hamdamdy tize búktirdi.
Al jartylaı fınalda qytaılyq boksshyny qapy qaldyrdy.
Aıta ketsek, qazaqstandyq boksshy jastar men jasóspirimder arasynda tórt márte Azııa chempıonaty atanǵan.
Aıta ketsek, Tórehan Sabyrhan - elimizdiń jastar quramasynyń kapıtany.
Endi el quramasynan búgin Sanjaráli Begalıev (75 keli) ózbekstandyq Djafarbek Shahbazovpen, Arýjan Zeınollaeva (81 keli) taǵy bir ózbekstandyq Rýhshona Parpıevamen sharshy alańǵa shyǵady.
Aıta ketsek, AQSh-tyń Pýeblo qalasynda World Boxing federatsııasy aıasynda ótip jatqan bokstan 19 jasqa deıingi jastar arasyndaǵy álem chempıonatynda qazaqstandyq eki boksshy fınalǵa shyqty.
