Tórehan Sabyrhan tuńǵysh ret eresekter arasynda Qazaqstan chempıony atandy

ASTANA. KAZINFORM - Eresekter arasynda bokstan Qazaqstan chempıonatynda alǵash ret synǵa túsken Tórehan Sabyrhan (67 keli) chempıon atandy.

Ol búgin fınalda mańǵystaýlyq Sanatálı Tóltaevpen kezdesýi tıis edi. Qarsylasynyń jaraqat alýyna baılanysty jeńis Tórehanǵa berildi.

Aıta ketsek, Tórehan jastar jáne jasóspirimder arasynda tórt dúrkin Azııa chempıony ataǵyn jeńip alǵan.

Tórehan bıyl qarasha aıynda Chernogorııanyń Býdva qalasynda ótken jastar arasyndaǵy bokstan álem chempıonatynyń altyn medalin jeńip aldy.

Sarapshylar ony kópten beri qazaqstandyq bokstyń bolashaq juldyzy dep ataıdy. Endi ulttyq quramanyń bapkerler quramy ony aldaǵy ýaqytta eresekter arasynda halyqaralyq jarystarda synap kórýi múmkin.

Onyń aǵasy Mahmýd Sabyrhan 2023 jyly álem chempıony atansa, 2024 jyly Azııa chempıonatynda jeńis tuǵyryna kóterildi.

Aıta ketsek, Nazym Qyzaıbaı Qaraǵandy qalasynda ótip jatqan eresekter arasyndaǵy Qazaqstan birinshiliginde chempıon atandy.

Sondaı-aq álem (2021), eki dúrkin Azııa chempıony (2013, 2019) ataǵyn jeńip alǵan boksshy Temirtas Júsipov (48 keli) eresekter arasyndaǵy 2024 jylǵy Qazaqstan birinshiliginde jeńis tuǵyryna kóterildi.

Aıta ketsek, el birinshiliginiń fınalynda 92 keliden joǵary salmaqta aǵaıyndy Nurlan Saparbaı men Danııal Saparbaı kezdesýinde Nurlan altyn medal aldy.

Al 51 keli salmaqtaǵy fınalda Danııal Sábıt (Batys Qazaqstan oblysy) Bekzat Aldamjarovty (Aqtóbe oblysy) jeńip, el chempıony atandy.